3 ay ərzində Java 21-i əsaslardan OCP səviyyəsinə qədər mənimsəyin. ArrayList-i sıfırdan qurun, Virtual Thread-ləri anlayın və müasir konkurentliyi öyrənin. Bu kurs əzbərçilik deyil, dərin mühəndislik anlayışı üzərində qurulub. 36 canlı sessiya, praktiki laboratoriyalar və hərtərəfli yekun layihə.

Maraqlı tərəflərin idarə edilməsi, tələblərin toplanması, proseslərin xəritələşdirilməsi və İstifadəçi Qəbul Testi (UAT) kimi Biznes Analitikasının əsas prinsiplərini mənimsəyin. Bu modul biznes ehtiyaclarını texniki tələblərə çevirməyə yönəlib.

Bu proqramın əsas məqsədi analitik yanaşma yaratmaqdır. Kurs müddəti ərzində biznesin tələblərini nəzərə alaraq gündəlik SQL sorğular yazmağı öyrənəcəksən. Bununla yanaşı, maliyyə hesabatları barədə biliyə sahib olacaq və biznesin gəlirliliyini ölçə biləcəksən. Tam praktiki dərslərlə real biznes problemləri ilə qarşılaşacaq və həlli üçün yanaşma seçəcəksən. Kampaniyaların analizi, mobil analitika və müxtəlif sahələrdə analitik yanaşmalar barədə məlumatlı olacaqsan.

Mən sadəcə kod yazmağı deyil, həm də performanslı, miqyaslı və etibarlı sistemlər qurmağı öyrədirəm. Tədris fəlsəfəm sadədir: "Biz framework metodlarını əzbərləmirik, onları sıfırdan qururuq ki, necə işlədiyini anlayaq." Həqiqi mühəndislik "nəyin işlədiyini, niyə işlədiyini və necə işlədiyini" başa düşməkdir. Bu kursda məqsədim sizi sadəcə sintaksisi bilən developer deyil, daxili mexanizmləri anlayan mühəndis kimi yetişdirməkdir.

Karyerama marketinq, kontent yazarlığı və layihə idarəçiliyi ilə başlayıb, qısa zamanda datanın gücünü kəşf etdim. Rəqib analizi, SEO strategiyaları və vebsayt trafikinin ölçülməsi kimi sahələrdə qazandığım biliklər məni Estoniyada analitik üzrə təhsilə yönləndirdi və bu ölkənin bank sektorunda Biznes Analitik kimi fəaliyyətə başladım. Burada data anbarları, böyük data (big data) və bulud texnologiyaları ilə işləyərək əvəzolunmaz təcrübə topladım. Daha sonra Data Analitik və Tesla-da Senior Business Intelligence Analyst olaraq fəaliyyətimi davam etdirərək, təhlil və strateji qərar qəbul etmə bacarıqlarımı daha da inkişaf etdirdim. Azərbaycan, Belçika, Estoniya və Niderlandda qazandığım bu beynəlxalq və çoxşaxəli təcrübəmi indi paylaşmağın və yeni istedadların karyera yolunda onlara dəstək olmağın vaxtıdır.

Mən təhsilimi maliyyə üzrə bitirsəm də, analitika daim maraq dairəmdə olub. Bu səbəbdəndir ki, ilk təcrübəmə maliyyə üzrə başlayıb daha sonra sahəmi dəyişərək data analitikasına keçid etmişəm. Data və maliyyə üzrə qazandığım birgə biliklər isə məni hər ikisini tətbiq edə biləcəyim istiqamətə - biznes analitik olmağa yönləndirib. Bununla yanaşı, ilkin olaraq pərakəndə sektor, daha sonra dövlət sektoru və yekunda ölkənin ən böyük bank sektorunda işlədiyim proyektlər və qazandığım təcrübənin də karyera inkişafımda əvəzsiz qatqısı olmuşdur. Hal-hazırda isə tərcrübəmi paylaşmaq və yeni başlayanlara dəstək olmaq üçün əla vaxtdır!